فاضل حسن ذكراهم
فاضل حسن ذكراهم
شگد غالين ومثل الفاتحه نوگف ونقراهماخذلك ناس من بال البچي متروح ذكراهم
بعدكم سولتي بدمعي
واخاف الليل اخاف الليل
يٰسيد داغر بروحي
ولا ظل حيل وين الحيل
بأول انتفاضه انت رسمت دربك وخطيت الوصيه
وبعدها الهور الك يشهد شگد ويه الگصب عشت المنيه
گلبك على هذا الوطن وتريده يرتاح
يالواضح ومٰتنگبت متنكب سلاح
شگد غالين شگد غالين
والله ايام رصاصه اثنين لازم نحسب ايامك
اخذنا وياك يا فارس الفتوى انطيح گدامك
عليك دموعي لو تنشف
اهز الغيم اهز الغيم
وگلبي بحزنك امچتف
المفارگ يشوف الضيم
زلمه اتعارك الدنيا تلاگيك وترد منك ذليله
تشيل اجروحك ابگلبك المواقف عمر وحروفك قليله
يٰالشايل بوجهك صدگ وبگلبك النار
هم تطلع اباب الگبر للجاي خطار
والله ايام والله ايام
فاضل حسن ودعوني ودعوني
العندي بالدنيا قربهم ودعوني
مو عيوني مو عيوني
شلت جرحين ابغيابك مو عيوني
الدنيا ما تنطينه مهله
وما تجي ويانه سهله
لو بدينه انموت قبله ولا نشاهد
وجه تابوتك يٰغالي
مو مثل وجهك حلالي
وائل انت الگلبي والي ودمعي شاهد
وراح لكن مايروح الشايل ابگلبه وطن
طاح بس مو بالتراب بوسط العيون اندفن
فاضل حسن دافنينك دافنينك
بليل اظلم يا فرحنه دافنينكشايفينك شايفينك
عدل بوجوه التحبهم شايفينك
منتظر للمهدي طلعه
وعسكري تلبس الجمعه
انت شمعه وانا دمعه وليل اجاني
وياك عيني وگلبي اخذهن
المن ايظلن وحدهن
گبل لا يذبل وردهن يا زماني
ها يٰوائل لا تغيب گتلي چم طلقه وأرد
ها يٰوائل والعيون ادموعها فزعة حشد
كل قصائد الشاعر قاضل حسن الحسينيه هناااااااا
كل قصائد الشاعر قاضل حسن الرثاء والوطن هنااااااا
كل قصائد الشاعر قاضل حسن الوجدانيه هنااااااا
كل قصائد الشاعر قاضل حسن للسيد الشهيد هنااااااا
الحوار صريح هنااااااااااا