 |
| الشاعر فاضل حسن ماكو ناس |
الشاعر فاضل حسن ماكو ناس
ماكو ناس
وين مايندار گلبي ......ماكو ناس
ماكو ناس
شگد عبرت ديار وحشه
ماكو ناس
امشي الم جروح وگطع بالگلب
الترس حيلي چفوف طايح عالدرب
ماكو ناس
كون عيوني طاسة ماي عاليسوون ابديها
دنيا الماكو بيها عزاز شيّسوي الگلب بيها
شسوي بعمر مابي خير
چنت زينب بعد ماصير
مثل ماجيت مارديت يخويه وشنهي تاليها
خويه الحزن مايسمع الكلام
تدري الوجع يتعافه بالظلام
نسلم عليك ويوگع الحمام .... سلام
بلا قياس
گمت اشوفك رحمة الله بلا قياس
ماكو ناس
وين مايندار گلبي ......ماكو ناس
خشنه وجوهم وياي راح الوكت عالگمره
شفت حتى الگلوب ثگال أحس نضراتهم جمره
الچنت يحسد عباتي الليل
ولا عافت ردنها الخيل
گيض ومايصح فياي ونار غيابكم كبرى
الهيمه بعدك خيمه للزغار
والگاع بعدك گطعت الخضار
فرغت عيوني وبيمن أستجار ...أستجار
بلا احساس
گمت اشوف الدنيا كلها .... بلا احساس
ماكو ناس
وين مايندار گلبي ......ماكو ناس
أعاين بالدروب گبور وچفوف الورد ظلمه
ليل وروح تسحب روح الموت الجاي نشتمه
تهنه بهيمه مثل الغيم
والينه العطش والضيم
أنه زينب غريبة روح بعباتي گوّه ملتمه
لابيه اجيك ولا يجي العتاب
هسه عرفت العيشه بالعذاب
إيد اعله طفله وإيد عالنگاب
يعباس
حسين جثه وانه زينب ...... يعباس
ماكو ناس
وين مايندار گلبي ......ماكو ناس
گلبي انشمر مثل هدوم ميته وروحي مكسوره
اجه وكّر عليه الحوم بچالي وگال مأجوره
وكتي يصيب خوش يصيب
وشد جرح بجرح ميطيب
بعدكم لا خلگ لاحيل والديران مهجوره
كلش تعبنه وكلشي عدنا راح
ياهو الي منه گلبه مستراح
طاح الگلب من عد حملنه طاح
من الأساس
زينب ومنشلع گلبي ...من الأساس
ماكو ناس
وين مايندار گلبي ......ماكو ناس
كل قصائد الشاعر قاضل حسن الحسينيه هناااااااا
كل قصائد الشاعر قاضل حسن الوجدانيه هنااااااا
كل قصائد الشاعر قاضل حسن للسيد الشهيد هنااااااا
كل قصائد الشاعر قاضل حسن الرثاء والوطن هنااااااا
الحوار صريح هنااااااااااا