 |
رائد ابو فتيان شبعد ياموطن
رائد ابو فتيان شبعد ياموطن
شبعد يا موطني ع الموت فزعناك
كثـر ما فزعتنة وكلنه عـد عيناكنغنيلك نضحي وتحفر انت كبور
وبقت نسوانة تربي وتكـلك هـاك
عدى كماط وجفن ماشفنه الابيض بيك
نـفـك الحـزن بـاسـود نرد حـزنـانـيـن
الـيـعالـج تدفنه وللقيامة يروح
لربك وصلت شـبـان ما ميتين
وربك من وراك اتهم عزائيل
مو مادازك جايبلي ذولة منين
مــداري الـــعــدل والـمـيــت تـداري
كبورك من حجر وبيوت شعبك طين
حـدد مـوقـف وحـدك قيامـة تـريـد
انترس عالم البرزخ بس عراقيين
وعـل جبهـه كبل يحجيلنة ال بالجيش
ونـقـرة الفاتحـة عـلـة المشـو ملتحقين
هسه اطفال شعبك خبرة بالجبهات
طفل قناص بيدة وعشرة ممدودين
يمثلون الجثث وتفجر انت العـيـد
وماندري لعب لوصدك مكتولين
وجـم عريـس راح بـبـدلتة يـدفـنـوا
واجت ربعة تهني بعرسه فرحانين
وصـلوا لـكوا جـادر طـبـوا يـعـزون
وصلوا فاتحة ال عالعرس معزومين
وغض النظر عن ربعة اعتبر ينسون
مرتة شـلـون بيـها ما حسـبـت حسـاب
عـــتـــبـــهـــا يــكــول تــانــة الـــعـــمـــر
ترضة شلون ليلة دخلتة يكضيها بالسرداب
تحلم بالوصل هستوها فرحت بي
وكالت بعد ما افز لوانـدك الـبـاب
نـفس الحــلــم وتـغـيـر المضمون
وكالت بعد ما افز لو انطم بتراب