 |
عصام كريم رثاء الشهيد علي رشم
رثاء الشهيد علي رشم
اخر جمعه يم تمثال ابو الطيب
سولفنه وضحكنه شكد
سالته على الشعر وشر على التمثال
بصبعه وكال جاي اكتب قصيده بكد
هذا ...وصفن ...كال ازيد
كتله احجيلي عنها وكالي اصبرلي
كتله اقرالي اخربيت كال بيوت امرلي
ضحكت وكال باجر تبجي لمن تعرف المقصد
وحده وقافيتها الطف
لون تغيرت تضعف
منصتها السواتر
ساعة التشتد
اذا ما تنقري بكل بيت تلكه مصاب
ومن تندفن تتخلد
من وزن البعد ما لاكي اله ميزان
يتحمل ثكل هلكد
كتله شوكت تكمل كال
من تسمع علي ستشهد
كال الغيره من تموت فشله نعيش
وطكت الجايك للبيت تكتل حته لو بريش
وكلي افهم
الكاع تموت اذا ريحت غرب تتشتم
وتتفطر لحد ما تنسكي من الدم
وحته الورد لو ما ريحت البارود ما ورد
ومثل ما ردت راد الله متت بس اسمك تخلد
وحزنه وعكس اليحزنون لبسنالك مرقط ما لبسنه اسود
وما نحسب لموتك صارله شجم عام موتك بلعكس ينعد
حسبنه حساب اليحبون يوم النندفن يمك بقاله شكد
هذاك انت صبح يوميه تجدد
سلام الله عله طولك طول واكف جنت لو ممتد
سلام الله على عيونك الكحليات لما طخهن كبل مرود
سلام الله علكبرك حته من نصوه شايل هيبت المرقد
نجيك كلوبنه تشب نار نوصل يمك ونبرد
من بعيد ليسلم عليك يشوف ايد منلكبر تنمد
وليبوس الكبر مو حجر يتلكاه ربك فوكه حطلك خد
وبعد يا ياكشخت الجنه
يمام وبلنده محنه
بعدنه البيتك بلا راي من نشتاك نتعنه
بعد بيك امل يمرتب ترد انه
خلصنه التوسل فوك كبرك من توسلنه
راوينه المغيسل شاب يحلم ينغسل فوكا
ولا شايف كبل منه
وراوينه النجف تشيع ما مر علدفانه
ايلمضحكنه اول مره من عدك ....نرد بوجوه حزنانه
ولوادم.... يعرفونه عزيز المات من وجوه صحبانه
حگنه نلوم مو من عاتك تبعد
تعودنه عليك دغيب يوم وثاني يوم ترد
وتعلمنه عليك تضحك الجناز ..مو بكلوبنه تمرعد
بديت باضعف الايمان..
وراها من كلب ولسان..
سكيت الكاع دم عريس من شفت الوطن عطشان
عندك بيت (هز جذع اكصص خلي المذله اطيح)ذكره عللسواتر جان...
يضايف للمرقط وليلبسونه
يسبحان ال له شتعب بعيونه
ويهنيال التراب الصار عطرك بي ويحضن بيك خيعونه
ويصوت امك فتح ل اليل رازونه
مشه وما لاعب ام گذله على متونه
هذاك انت لمتت وناس علموته يحسدونه
عايش جنت وشتميت....عطر الجنه بيك يفوح
حلو لحد شوفتك تترك طعم بلعين بس بسوالفك مملوح
سرك لو هوه متسولفه المخنوك ....شني شو من تحب مفضوح
من جان العنب عل غيم بس انت الاديك تلوح
رايح وين كتلك من كبل لتروح
چوله هناك وليلحك الطريده يتيه وعل شاطر غلطته بروح
من كل كتر يطلع نار ...كلها تامرت كاع وزلم وصطوح
كتلك وين سميها
من كتلي الجرف امنت جي سابوح
التفاصيل
كتبت القصيدة على جزأن الاول عند وفات الشهيد علي رشم في 6/11/2014
والجزء الثاني 2016 في مهرجان المدينه
القصيدة من الوزن مجزوء النجليبه المفتوح
المشاهدة على اليوتيوب هناااااااااااا
رحم الله من قرء سورة الفاتجة لكل الشهداء
جميع الرثاء هنااااااااا