 |
الشاعر فاضل حسن شد رايتك
الما عنده وفى له يشيل الماي
وراس ما بي غيره ما ناخذله رأي
احنا قطر وفه سمون الحشد
قبل جف عباس ما جان الورد
هل وجه الكلها غيره
الميت وعايش ضميره
ابخاكي من فكو حزنهم
حيل عد الله جبيره
وفيتها وكفيتها ولا ما تطيح الرايه
مو للعقيله وداعتك لألله انته منطي حجايه
بغيرتك عباس تبرالك زلم
الخوه قبلك جان ما الها اسم
الماي من عفته صبح ما يلزم
من ساعتك من ساعتك وكلوبنه مدمايه
من مراجل غيرتك صار الحشد
تحل مصايب رايتك من تنعكد
بيوم جفك طاح لم جفه الورد
شد رايتك شد رايتك عندك زلم وفايه
الحرب من يومك اتسمت حرب
الحيل مبني عللحشد من ينعرب
يمشي فوك الماي جيشك من يطب
يلعيرتك يلغيرتك ع ساتر متجايه
من تدوس الكاع باثارك جمر
الحشد مثل احجايتك ما يعتذر
بغير جف وشارتك تسطر سطر
رف شاربك رف شاربك يلجفك موصايه
وفيتها وكفيتها ولا ما تطيح الرايه
مو للعقيله وداعتك لألله انته منطي حجايه
كل قصائد الشاعر قاضل حسن الحسينيه هناااااااا
كل قصائد الشاعر قاضل حسن الرثاء والوطن هنااااااا
كل قصائد الشاعر قاضل حسن الوجدانيه هنااااااا
كل قصائد الشاعر قاضل حسن للسيد الشهيد هنااااااا
الحوار صريح هنااااااااااا