 |
| عصام كريم شهيدة الكراده و جميع الرثاء |
عصام كريم شهيدة الكراده و جميع الرثاء
شهيدة الكراده
صار الصبح وأشتاگت مرايتها
متعلمه تفتح ريجها بوجنتها
تعداد سوه الشجر ناقص عصفور
چي ما سمع وجه الصبح ضحكتها
طش الخبر ماتت وكتلهم لا
تفاحة أدم رجعت الشجرتها
دخان غطى السما وگتلهم جاي
تبچي وهذني عيونها وكحلتها
حته الكمر مابي ملامح عشاك
جي ما شفت مرسومه بي صورتها
رديت منحر واللسن چنها سيوف
وأتشاهدت من سولفو قصتها
گلوليي مشتريتلك هدم العيد
وساعة على ذوقك بس اجت ساعتها
عصفت والبصف الرمش ما ينشاف
وشفناها اقوى من اللهب وجنتها
والبيي نفس يصرخ بأسامي الميتين
وأسم الله وأسمك چانن بشفتها
وطول مثل الثلج ذاب ويه النار
وما كلفت شيشة عطر جثتها
تشيعها صار على چتف الدخان
راد الله تصعد للسما جنازتها
ومن صعدت الرب العرش طفى النار
خافن يذكرها بألم حرگتها
سألوني وأول مره ماأعرف وين
مرتاحه لو متضايقه بنومتها
وأذكرت من چان عنها يسألون
چنت اعرف بيا شبر من غرفتها
لا من گبر تتعنى تبچي وترتاح
اي شي ردت عالگاع من ريحتها
ولامن طريق من السما يرد ميتين
ولا بيها باب واگعد بعتبتها
كلولولها مبريا ذمتج ويكول
بس شغله ضلت باقيه بذمتها
كلشي اليمرنه نقسمه ما بين ثنين
ليش المنيه وياي ما قسمتها
رثاء عن لسان حبيبت الشهيد
يرادلي عيون ودمع يم گبرك يعيّنني
خلصن ما بيهن بعد خاف أبچي ويفشلني
حيدر و حلف المگبره لو شايفه بگد وني
كل عقلي أجيك معطره و أتخيلك تحضني
والگاك صوره على الگبر مندار وجهك عني
حسبت بخور و مـٰـي ورد
ومهضومه من يمك أرد
ترضاها يمدللني ❗️
تعنيتلك خطار و أنت معزب
ترضاها نامت عينك و عيني تصب ؟
ترجعلي لو تاخذني يمك و أرتاح
حيدر العيشه الـ مو وياك اتعب
أتخيل أسمك و التفت
بالـ ما يشبهك شبهت
ملت العالم مني
المن عفتني بنص بشر ما بيهم الـ يفهمني
تمنيت دفانك گبل لا دافنك دافني
تمنيت كتالك گبل لا كاتلك كاتلني
ولا يمك دموعي تصب و شبيج ما تسألني
لميت كل ذاكَ الصبر
والراح والظل بالعمر
وشكي وعذابي وغيرتي
وكل تعبي سلمته الگبر
لا انت المسافر واظل .. مصلوبه ع الباب انتظر
ولاروحتك روحة زعل .. جاا خلصت عمري اعتذر
اخ شكبر حض الكبر
يشفعلك اسمك كلت من ودعتك
حيدر ويم حيدر علي مامنتك
ونشالله ما باقي ...لاحكتك
يمكن عليك اتاخرت
تنتضر هلكد كبل ما علمتك
يقرون يمي الفاتحه يهدهوه الك
تندار عيني اعله النجف وتخيلك
وتعنه واصلك كبل فاتحتك
وتخيلت لمن وصلتك
بصوت النعي حركت جذتك
تمنيت لو صرت على ذمتك
جا ماكلت مبريه ذمتك
ماريد اطول بلحجي
لو اعرف يرجعك بجي
جا وزعت دمعي نذر
اخ شكبر حض الكبر
وذكرت موقف الك ..منها وكلت حيدر سبع
منعوعوك من عندي وكلت ليحب صدك ما ينمنع
خط احمر انشوفك بعد.. خط احمر اطب للفرع
خط احمر ابخط تتصل ... خط احمر اسمك ينسمع
ونته بكلب بارد تجي وتسحك على خطوط الحمر
وفتح الباب وبيك احس ولكاك واكف تنتضر
اخ شكبر حض الكبر
تخطف نفس سيارتك وتذكرك
وتعنه لي شارع كبل بي ذكره الك
بلكورنيش وبلجزائر من امر اتخيلك
اكثر شوارع بيها الك ذكره وتعب
من بيتنه لحد جامعه شط العرب
وماشي واحس ياخذني يمك كل شبر
وكل خطوه ماشيها كبل ضمينه سر
اخ شكبر حض الكبر
لو ادري اعوف الجامعه منولها
كلت اكبر بعينك اذا اكملها
ردت الشهاده بايدك توقها الي
ما ادري اتعب وانته لتحصلها
وتحيرت هسه انقهر لو بيك اسولف وفتخر
افرح لان استشهدت ... لو اضوج جي ميت غدر
وهل جمله بلساني بقت اخخخ شكبر حض الكبر
جميع الرثاء هناااااااااا
كل القصائد الوجدانيه هنااااااا
كل القصائدالحسينيه هنااااااا
كل القصائدالوطنيه هنااااااا
كل قصائدا لرثاء هناااااا
كل قصائدا لهجاء هناااااا