 |
الشاعر رضا العبادي المبرد بي ملاس |
الشاعر رضا العبادي المبرد بي ملاس
بزردومه اللعاب اليمرگ نسمعه
اللجام العل رحي امن العت يخلي الخيل
حرگ گلوبهه بصدر ابنج انطلعه
شبشرج عشر اصابع دخل للميدان
ومن خلصت العركه وشافهن تسعه
مثل طلعة السن بالثت ليرضعون
مزامط ياسهم من الگفه نطلعه
خبز بين الحلوگ تفرهد ابنج غاد
ومن ضرس الضرس جتالته ادفعه
انشج بگلبه سهم باشط تلث شاخات
بقه معرت ابضهره شما نوه يشلعه
هذن كلهن جرن وبنج الشيخ هناك
الينهي اليامر الماخايف اليفرض
اليبقه الوحده وينولي جدامه اتهيم
المصيبه حسين واكف وزلم تركض
اندري الينذبح يشبچ عيونه الخوف
وبنج مبتسم وليذبح مغمض
لو بيده وعلي مابقه معلگ فوك
كل ماراد ينزل ورمح يعرض