الشاعر سعد شميل مشو ماودعو ورحالهم شدو

اطونه ضهورهم بيبان ونسدو

كضت عشرتنه مثل مواجه المسجون

نرد لقفاصنه ولديارهم ردو

عشكناهم ذنبنه وطغو وتعدو

نلم اجدامنه لمت النضارات

هيج گبالنه بمكعاد اذا كعدو

وذا بالمعركه ضاعو جثثنه اتضيع

قرص تعريفنه وبركابنه انشدو

بس شدولبانه غير ذني البيض

الگلوب الرجيجه العنها مانشدو

وكوفو عالجرف من درو غركانيين

وموش جفوفهم لوتعرف اشمدو

مدو بخيط منه العنكبوت يطيح

كل هاذا ولمن جلبنه بي هدو

وصارو مثل ذيج الكطره بالكبان

لاهم راكدين ولاهم اتبدو

وسمعو صوتنه من صحنه يالمجفين

عليكم سايم الله بموتنه اتهدو

اي مثل الصياح البلكبور يصير

كل مانقترب من عدهم ابتعدو

وردو من سفرهم كون لاردو

جتف طك بجتف شافونه وتعدو

جثه مشوه وماكثر بينه الشوف

بساع وجوهم داروها من صدو

الودينالهم بالضرف راحت بال

وبنفس الضرف حلقتنه بي ودو

كل القصائد الحسينية للشاعر سعد شميل هناااا

القاء مع رائد ابو فتيان في هيل وليل هناااا

القاء مع مهند العزاوي شهكة عشك : هنااااا

القاء مع الشاعر رفعت الصافي كعده من العمر هناااا