 |
رائد ابو فتيان يالخليتني وبكلبي انه مخليك,
يالخليتني
وبكلبي انه مخليك
بصدري تعاركن عطرك وعطابه
بين الي يجيني
وبين لا ميعود
وبين الخان ولفه
ويوفي لحبابه
ظنوني اتكافشن من روسهن بجفاك
وماكو براسي شيخ يفض الطلابه
واني شبدر مني وهيجي بيه يصير
عفتني بحاله ماتوصفهه الكتابه
مثل الي أنكسر جنحه وعافه سربه وراح
فرفح طار كوه وطيحه صوابه
يفك جنحه ويهد حيل ويرجعه الروج
بعد روجه قويه ويوصل الغابه
عفتني بليل لابي گمر لانجمات
اليضون بيه بس عيون الذيابه
وتره انته العايفه ماحصل مواساه
كبل متعوفه خايب عافته صحابه
وكام الباب من يندك
يحضر فلوس
لان بس اليجدي يوصل لبابه
وحده ... وذكرياتك ماتعبره الليل
شتسوي الصوره للماشايف احبابه
طفل جاع على صدر امه
شتذبله العاب
هو الماتت امه تسكته لعابه
يجتالي البعيد العابر النيشان
شما يبتعد قوسك يقوه نشابه
حنة فاو جرحي وقلبي چف عريس
وطرشتني الهلاهل ساعة مصابه
ويمر طيفك على عيوني
وفرحتي تصير
فرحة عانس ومروهه خطابه
وامر اني ويبشرونك حبيبك جاي
وتتلكه البشاره بكلمة
شجابه
عيوني مغورگه وشماتي ترس الباب
كثروا والهجر ماحاسب حسابه
جوابي للنشد عالحال بلعة ريج
ويفتهمون ولفي مطول غيابه
عتك جرحي وينشدوني شعجب ماطاب
والچمنه واكلهم حار بصوابه
ويكلولي قديم تراب صاير بي
واكلهم لا جديد وبعده بترابه
وانه ورده عفيفه بلمسه اشوف الموت
وچفهم مو حلگهم طلع انيابه
لذلك كمت اشوف الباب عني بعيد
وردت نگاط حبنه يمرني بسحابه
مثل كلمة خطيه منحبس ظليت
شيطلعهه من أحلوگ سلابه
اقشمر روحي ترجع يل الجزيت الكاع
اليتاني بلا امل يختنك بعتابه
رحت روحت شرف ما يرجع من يروح
للعشره وترد بنيه حبابه
رائد ابو فتيان لا تدك باب,
رائد ابو فتيان لا تدك باب جنت تفتحه و تفوت
و لا تمر ببشر ما يريد ملكاك
انصحك ما تجيني تغيرت دير
عرض جتافك و شوفني مكفاك
جاي تكلي حبك عاش لو مات
و انا مسوي ثواب لعشرتي وياك
تصدك ناشد عليك اليدفنون
عدل بس بالكبور اتأمل الكاك
يا المصختها حيل لهزه الراس
ما خليت ذره من الملح ذاك
على روحي اضم و احجيلك اسرار
و احلفك ما يطلعن لعتبه شفاك
و تفرعهن بيديك كبال شمات
و اجي و الكاها فرجه لهذا ولذاك
و تضحكهم بجرحي و ما يضحكون
و اكولن عيب افشلك و اضحك وياك
جاي بيا وجه يالرايح بروح
اذكرك خاف وكتك غيري نساك
سنين البذرتهن بين الدروب
و احلامي التعدهن من ضحاياك
و دموعي اليموتن بأرض الخدود
و همومي اليعدلن بأرض ذكراك
و كسره خاطري و طبه القرأن
الـ بطل حوبته و تضلمني خلاك
وصلت حد السذاجه وياك بالطيب
اكاون عيني اذا شافت خطاياك
و اضل ساكت جنت كدام قمصان
يجيبولي عليهن بصمه شفاك
مر مواصلك بس لمن تغيب
تفصل صفنتي كدار على فركاك
تجي محمل عذاب استلمه وتروح
اقسى من العذاب الشفته بجفاك
شمصاحب قطار شبيك وياي
يهددني برحيلك صوت ملكاك
و مو طبعي الكباحه وهيجي احاجيك
بس ذله بيها من ارجع اهواك
روح و عود لا تدعيلي بالخير
بس ادعيلي بلكي اكدر انساك