 |
| الشاعر سمير صبيح العطش يبقه عطش |
الشاعر سمير صبيح العطش يبقه عطش
كافي انتضرته عمر هيج انت متساهلكلتهم ابقه انتضر مو طعمه بس يختلف
المنتضره يستاهل
هذا اليطب للبحر والمي يطب مركبه
اتضل روحه بلساحل
وزع ادواره الزمن اختاريت دور انكتل
ما ادبر الكاتل
شيبت ما عيدت يفصل بقميصي الزمن
والهسه ما كامل
وميهمني اذا ما كمل مدام صارن
اشائمت متفائل
ادري الرمل مو ثقه يضل محتفض بلاثر
حسباله متماهل
اختاريت ضلمه وهوه وعبر انه وناكتي
اليلحكني مو عاقل
المثلي حسبها وكعد تاهت بعد ونخبط
حابلها بلنابل
العطش يبقه عطش يردوني اكولن نهر
لو موت ما جامل
الشاعر سمير صبيح يردونك تضيع
يريدونك تضيع وانتة نور بليلوتموت من العطش يالماي يردونك
ويضيعونك عجيب وانتة مثل الريح
وين بيا مكان اتضيع يلكونك
مشوك بدرب ما مات جدمك بيه
وحتى اتضيع كلش شدو اعيونك
وغشو عينك وايدك مزنجلة ومجتوف
تهد هدة اسد لو ناس ينخونك
يل المغفي الجمر منقلة وبيك اتنام
وهمة رماد موكة ما يجوونك
اذا ظلك طلعته وظل وراك ايحوم
ابد لتخاف منهم ما يظلمونك
عاشرنة التعب والاه والحرمان
كلها لخاطرك ولخاطر اعيونك
صرنالك جسر للنجم عبرناك
وصغنة من الحزن ضحكات لعيونك
تعلكنة قطع سودة وعليها ارواح
ما جنة قطع لا كحله لعيونك
يردونك صبخ والملح ياكل بيك
ويردونك تبور وما يزرعونك
ويردونك تجف والماي يطلب ماي
ويردونك تنام وما يندهونك
ما يدرون عركك بالارض ميموت
ترد تحيه وتعيش شما يكطعونك
ذاك حسين حي وصير انتة مثل حسين
بالشدة الخريطة اتصير ميمونك
يااااا مدري شوصفك شرد اكولن بيك
عراق والعمر ما يسوة من دونك
ليلى انتة صرت والمثل ما ينقاس
وشعبك من محبتك صار مجنونك
مواضيع القصائد
اذا كنت تريد موضوع معين اضغط على كلمة هنااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح هجاء هنااااااا
كل قصائد الشاعر سمير صبيح الوجدانيه هنااااااا