 |
الشاعر علي مهدي الهوا تغير + ردتك يمي
الشاعر علي مهدي الهوا تغير
امن افض زعلي بلايه عتاب
ياهو الكال مليتك ؟
لو متخايلك مو يمي جا جيتك
ي غايب عني مو مني
من توفيلهم لا تنسه خايني
وياك وكاره الدنيه و بلاك وقيس
ويمر شوگك اعله الكلب يتمندل
واجيتك
بس خفت لا تيهت بابك وعيب اسأل
الكلب يصفه بغواش العين
لوما باجي ما اندل
وكلما انطر ابدي اخسر
يا شباجنه امشينه الهوا اتغير
صرنه احنه وضرفنه ننام جوه الباب
وخلصنه الهدم مضمام
بكل صوره و هديه وما نرد احباب
و شفتك والخنكني بخير !!!
ومحد غفه عالشباج غير الطير
وانه وكلبي بعنه الناس
گلنه نروح وانته تصیح
ماندري
كصيبه اعله الجتف اول وتالي نطيح
بيك انلام واسكت
كل حلم ماشافه اليفسره
جا عمر الهدايا اطول امن العشره ؟
ردت تكسرني ما فضينه بموادع
شحلاته الموت من ينشال المنازع
لو تدري وراك شصار
خذت كلماتك العوج
اعله كلبي سوار
انوب التايهات تچمل بعمري واخاف يزيد
العمر ركضه بحلم مادري وين يريد
باخر ليله تتلگه العتب نعسان
تره انه مضحي مو خسران
ولابد يجي يوم و انه الاتغير
وبعد مثل الضرف راسي اعله صدري ينام
والولي لروحي مااحتاجلك تسهر
الشاعر علي مهدي ردتك يمي
جذب لو هوة يهز بابة
فراغ بداخلة و جابة
وجاي اضحك على عتابة
وادري دموعة مثل مباوس النسوان
تتسابگ وچذابة ،،
المن جاي ؟؟
ردتك يمي من كالوا الحل تنسه
تذكر قبل لا اقسة ؟؟
جنت تمل واباوع عالمري شبية ؟
وانة حنين وتدري
يسود عيشي اليتغير علية
شلتك وردة اذا ماشمهة ما تنزل
وبايامك نخيت الدنيا هيج تضل
غليني ولو بالبيع ليش تبيع بتوسل
وناسك كلها زينة وياي
مدري جنت تسمعمن
ها ياطير غصنك صاير اصبعمن
هذن لمن جنت تسوة
ورجعت استهضم العنهن كلت فدوة
لا توصل رمشها ولا تحاجيهة
كبرت انة و حرت بيهة
جانت جاهلة عيوني ويسكتها اليبجيهة
وجنت بحزنك تحبني
ثوب اسود باول فرحك تذبني
شگ شراع من ترسى اعلة بر مضطر
مو كتلك سراط
و مالي وكفة وياك اذا تعثر
عرفتك ما تضل جي يمك ارتاحيت
عيونك دنية من تضحكلي جذابة
فراغ بداخلة وجابة
قصيدة ياعطش شال وشايل جروف
يا عطر شال وشابك زلوف
تلاحگ" ارداني صارت جروف
لنته الغريب و نگدر نعوف
وجهك على العميان مألوف
ترضاها يا گلب العصافير
من صورتك حصتي البسامير !
فزاعه يمكن وسط العيون
توه النعاس يفوت و ايطير
وشحجيلك اعله الخنكه بيه
امن الصبح خنكه مغربيه
ومنطي بثواب الريح ريه ؟!
والخاصره تغفه اعله اديه
الحنيه كلما تعله اطخ راس
مهيوب ، بس من وحدي انداس
حنيتلك من ناموا الناس !!
اكثر امن الدم بيه الاحساس
مو انته و اتوسل بگایاك
يدري الله بالصاير بلياك
خاب اعله شوفة وجهك انخاك ؟
جا وين المسولفهن وياك !!!
ويخنكني شوكي المارضه يفض
وكلما انگال اسمك اغمض !!
ارد انسه بس الـ ليش تعرض؟!
و ها حشه جدامك صوج دربي
المشكله عيونك هنه هنه
جا وين وديت المحنه !!
وبسك تكول اليوجعنه ؟
ماظل وجع ما جاس گلبي
بگد برد وجهك بية حركة
بكل المنافي ارسومي تلگة
اغلط بثوبي و جرحي اشگه
وعلي
ليهسه فگدك ما مصدگة
وناطر رسايل من وداعي
وبس انه الاتعنه اعله ساعي ؟؟؟
يا گلبي اخذ بينه اعله ناعي
ويه اعزاز كلبي مالي داعي