فاضل حسن وانت واكف |
فاضل حسن وانت واكف
ونته واگف ركض مالحگنه بيك...لاتروح تموت يلمتنه عليك
عيني عينك باگت الدنيه ضواك....استرنه هدومنه تركض وراك
عيني عينك باگت الدنيه ضواك....استرنه هدومنه تركض وراك
بس لا متت لاگالهه الله...الصله وراك عليك صله
إحنه فقره وكلهه بس تحچي علينه...چفوفهم تدفعنه بس چفك يدينه
بلا حياطين احنه صلينه ودفينه...وياك يحچاية سلف وكت المدينه
فطرت كلوبنه وخيطت العيون...فرق بين اليرحمون ويحرمون
بس لا متت لاگالهه الله...الصله وراك عليك صله
///////
الناس تركض ركضة الشارد عليك...چنهه شافت رحمة الله كلهه بيك
چنك توزع هدايا من تفوت...ياسگفنه البي دفينه بلا بيوت
يامدري شتعود الگلبنه...مو منك احنه وياك تبنه
ياصدر جيبك فقير وكلشي بيدك..وكلشي منريد احنه منك بس نريدك
شفنه الهلال اعله ضهرك وين عيدك...يلفدتنه هواي بس لا مانفيدك
تذاكر بايته ومسودنه الريح...وخطيه اوراقنه بكل موسم تطيح
يامدري شتعود الگلبنه...مو منك احنه وياك تبنه
//////
اسم الله گلي وانه اسمعك من بعيد...الشوگ يوصل لا حمام ولا بريد
شلون ترضه عالشفايف ماكو ليش...رد علينه وما نعرف الدنيه بيش
دگت على الباب المحنه ...عنك شبر وبعيد چَنه
عيني طبهه الليل بعدك ماشفتهه...علمتهه اعله الضوه وصدفه عفتهه
ساعة عيوني اعله دمعك وگفتهه...منين اجيب حروفك الماسولفتهه
خلصنه العمر حي بعده لومات..نعرف بيه حچي ونحتاجه مرات
دگت على الباب المحنه ...عنك شبر وبعيد چَنه