 |
| الشاعر فاضل حسن على يايك |
الشاعر فاضل حسن على بابك
لو سجنوك لو ظلموك الناس تشوف بعيونك
متت مسموم بس لليوم بعدنا انگلك شلونك
يٰجناز چن هذا الجسر بالدم بنيناه
يٰجناز
يٰجناز حزن عيونهم بالمي دفناه
الفرج شفناه بإديك
حزنه مر عليك
على الدمعه نفوت
لو ردنه نجيك
نوصل للمقام
ونتحول حمام
وي صوت الاذان
نوديلك سلام
مساجين مساجين على بابك مساكين
مساجين مساجين على بابك مساكين
........................................................
جوه الگاع فوگ الغيم راسك ما يضمونه
اجوا فوگ الـسجن سموك مسجون ويهابونه
بچه الليل على نورك الذابحهم بچه الليل
غفت حيل چم نجمه على شباچك غفت حيل
عليه نبچي السنين
بدمع مستضعفين
انتصر كوخ الفقير
على قصر الظالمين
حياة بلا حياء
بچت ليل السماء
ضواه لا ما يموت
امام الابرياء
مساجين مساجين على بابك مساكين
مساجين مساجين على بابك مساكين
.....................................................
جرح وبكل گلب مدفون ولا ردنه اليطيبونك
والله بكل سجن مظلوم احبابك يشوفونك
اويلاه تسولف دمع زوارك اويلاه
اويلاه نتمنى نزورك بدربك اويلاه
زرناك ونزور
بچي يوميه طور
شگد منعوا نجيك
نفس اهل القصور
وعد مو بس نجيك
ركضنه ومتنه بيك
فلا رجعنه موت
لان متنه عليك
مساجين مساجين على بابك مساكين
كل قصائد الشاعر قاضل حسن الحسينيه هناااااااا
كل قصائد الشاعر قاضل حسن الرثاء والوطن هنااااااا
كل قصائد الشاعر قاضل حسن الوجدانيه هنااااااا
كل قصائد الشاعر قاضل حسن للسيد الشهيد هنااااااا
الحوار صريح هنااااااااااا