 |
| شوفني الدمع قبل النعاوي |
فاضل حسن للسيد الشهيد شوفني الدمع قبل النعاوي
ترا الگصبات تحچي محمداويعلى ذراعك تنام طيور
يحاتم ياونيس الهور
اخوك العامري ينخاك
الفگدك ينحني الشاجور
يلمة حيل
ينسمة ليل
يبو منتظر ننتظرك
يجرف الزود
يعش بارود
يالبچفك شلت عمرك
هواي اكرم من حاتم اسمك
للموقف تنطي الروح
عالعكازه وتركض جدمك
شكم لجمة وللجنه تروح
......
شوفني الجرح حط يمه رايه
حتى اعقلها أسلم للمنايه
يم زينب رحت وفاي
ياغيره وعنيد الراي
رحت في ركب باليكفلون
خذت من الفرات الماي
ثگيل جروح
شهيد الروح
بس ماكابلو ضلك
صگر وتحوم
جنح ملچوم
ينوخ* الجبل ميحملك
يالاقرب من كلشي الناسك
قبل الطايح چف تطيح
يالدارس غيرة عباسك
كل ماي *العطشان تصير
شوفني الگبر حط فوگه چفي
يطخ بكربلاء هم مايكفي
شلون الموت ياخذ موت
جبل ماتغرگ بتابوت
يمردي بذمتك المشحوف
صوّتنه بعلات الصوت
عليهم كوم
يومك يوم
يالماتنلوي جفوفك
تشهد ذيج
تشهد هاي
الوطن ماينسى معروفك