نصوص الشاعر احمد الميالي
احمد الميالي
محتاجك بحضني تضل طول الوكت اتمنة
يلي بدونك دنيتي مابيهة ذوق ومعنة
اغلة حبيب انتة الي واقرب الي من روحي
مجروح بس بشوفتك اطيب كل اجروحي
امنيتي وياك استقر يمتى الزمن يجمعنة
لك انتة دگة گلبي
بعينك اشوفآ دربي
غيرك ولا احب اني
قافل عليك وربي
ماابدلك اني بدنية
حبي الك علنية
محد حنين وياي ابد
بس انتة ابو الحنية
&&&&&&&&&
لحضانك يحن الگلب وبعدك يدگ بلگوة
من انتة عني تبتعد الدنية احس مو حلوة
اني العمر عشتة الك ولوغبت عني شيسوة
من تضحك بوجهي اطمأن فدوة رحتلك فدوة
ولهان واگع بلعشگ وبية الغرام شسوة
غير انتة امير احساسي
وحبك مكانة براسي
مااعوفك بعمري انة
لو تنگطع انفاسي
روحي الغياب يذلهة
ومن تمشي محد الهة
اتحمل جروح الزمن
والفرگة مااحملهة
وين الي حالف للابد يبقالي
يسميني چان الغالي
ذاك الحچي كلة اختلف
وكلشي تغير تالي
اتندم اني علتعب خلاني
وعلوفة ماجازني
بلطيب الظاهر ابد
مالية قسمة اني
كلشي اختلف هسة
راح ابتعد وانسة
حتى الگلت عنة وفي
هم مابقة نفسة
وين الوفة وينة
شو مااجة بعينة
لو ندري ابد محد يحن
ياروحي ماحبينة
محد يجازي الطيب ابد هاي البشر خربانة
ذاك نغدر ذاك انسة وفلان خان فلانة
&&&&&&&
ذاك الي بحظان الگلب ربيتة
وفوگ النجم عليتة
مع الاسف خاين طلع
وخان العشگ تاليتة
روحي احس من هلبشر مقهورة
ومتعدبة ومكسورة
صورتهم الحلوة اختفت
ونعكست بعيني الصورة
وسفة انكر تعبي
وضل منكسر گلبي
ضاگت علية دنيتي
افرجهة ياربي
ضلت تصب عيني
احبابي ناسيني
ردت ابتعد وانسة التعب
والطيبة متخليني
ماكو وفة بهذا الزمن كافي وفة ياروحي
الردتة الي يصير الدوة شو سحگ فوگ جروحي
ها يحميد يمة
اهلي وعمامي يحميد يمة
فدوة التفكتك يمعدل يمة
يازلمة وتعادلك الف زلمة
بلطگ ماتخاف وراسك اضمة
يازين وتعيش الغيرة وي دمة
كلمن طايح يمشيلك
دوم الغيرة اتچيلك
تتلگة المتعنيلك
رافع راسي يابعد امك
&&&&&&&&&
هايحميد يمة
اهلي وعمامي يحميد يمة
الكون يگوم يرجف لوصحت بسمة
من ابوك الغيرة بيك وورث من جدك
الكون بكبرة كلة مايجي بگدك
الموت يگوم يرجف لو وصل حدك
مااذبن يمة الشيلة
وانة ابني يرد العيلة
بچفوفة يعدل الميلة
مخوف الدنية يايمة اسمك
&&&&&&&&&&
هايحميد يمة
اهلي وعمامي يحميد يمة
توجع يمنتك من تطگ
براسك لوتضيع الغيرة نلگاهة
علومك حيل شاعت ياهو ضماهة
الغيرة عليك ربك ثوب سواهة
الله يحرسك يلهيبة
يمعدل وكت النيبة
الحگ لوضاع اجيبة
انتة الغيرة تمشي بدمك
حازت على 16 مليون مشاهدة هناااا