 |
| مواقف الشاعر جبار رشيد |
مواقف الشاعر جبار رشيد
من هوَ جبار رشيد
وخل احجيلكم علي شويه حسب الصدف
الي تجمعني بهذا النسان الطيب
جبار رشيد
الشاعر الوحيد :-
الي قصايده تشبه ...قوي ..وبسيط ..وصريح ...وعفوي
جبار رشيد
لليوم ممتزوج ولا يملك لا بيت و لا سياره
تليفونه ما يجاوز ال100 الف
وبحياته ما طلب مبلغ على برنامج او مهرجان
جبار رشيد
صار اكثر من 4 سنوات مريض
وما اشتكه من المرض ولا طلب من شخص
وعمره ما اتاخر عن زيارت مريض واني
واحد من الناس اكثر شاعر اهتم
بيه بلفتره الي جنت بيها مريض
هوه جبار رشيد بحيث جنت ما اجاوب ع
تليفونات هوه ما اعرف منين حصل رقم
جيرني ومتصل على حته يعرف
حتي ويشوفني شمحتاج
جبار رشيد
كثر شاعر انسال علي من الناس
الي تحب الشعر واكثر شاعر يسالوني
يكولون وين نكدر نشوفه او نتمنه نلتقي
بي مع العلم هوه جان سهل جداً
تلتقي بي
جبار رشيد
كثر شاعر اتصير قصائده كدامي
من اكتب ومن القي شعر اتخيل نفسي
جاي اقلد القائه وكثر شاعر اتعلمت منه
جبار رشيد
اول لقاء الي ويا كأني اعرفه من
طفوله طلب مني اقرأ اول بيت قريت
كال انت شاعر كمل خلصت القصيدة
انطاني ملاحضات لليوم استفاد منهن
جبار رشيد
جان داعم للشباب واكثر الشعراء
من يحجون يكولون حفزني جبار رشيد
من ضمن الاسماء الي دعمها
سولفلي رائد ابو فتيان قبل 10 سنين
كال قريت مره بلتحاد ومن خلص
صاحني جبار رشيد كلي عيدلي ذني
الابيات وهذا اول انجاز بلشعر الشعبي
جبار رشيد
اكثر شاعر عنده اصدقاء وعمره ما زعل واحد
منهم والشاعر الي تحبه كل محافضات العراق
بغظ النضر عن شاعريته كان محبوب
بلحوار كنه يقره شعر سولفه تنحب مثل القصائد
جبار رشيد
اكثر شاعر رفض عروض مثل لجنه في مسابقات
للشعر رشح في
انتخابات التحاد العام للشعراء وشاف
بيها ضلم للشعراء او تقصير
وقدم ستقاله
سافر الى دبي ولتقى بلفنان حاتم العراقي
وعرض علي البقاء
والعمل ولاكن جبار رشيد كان يعشق العراق
وعاد قبل ان تنتهي
الاقامه
جبار رشيد
شاعر وانسان وراح يبقه بذاكرة كل الي يعرفو
وكل الي يحبون
جبار رشيد
جان سريع البكاء ويحب الفقراء
اذكر موقف اني حاضر بي شاف عامل البلديه
اي ( الكناس )
بوكتها جنت اني اسوق وهوه جالس بلكرسي
الامامي (بلصدر )
طلب مني اتوقف وكفت نزل للعامل
وگاله اطلب منك طلب
وما ترجعني گاله العامل اطلب كله اريد ابوس ايدك
جان الراتب
يستلمه بنفس اليوم يخلص
هذا الموقف سامعه من اكثر من شخص
واحد من مواقف جبار الكثيرة مرة اجه يستلم
راتبه ال..800 د. ع.. باذاعة العراقية بس
تفاجأ انطوه نصف راتب مستقطعين منه
ساعات عمل وغياب و.. المهم استلم الباقي
من راتبه وطلع يمشي ويضحك بباب شبكة
الاعلام العراقي شاف عائلة على الرصيف
رجال مريض واهله واطفاله وياه بيدهم
معاملة وكاعدين بالباب يريدون يقابلون
مدير الشبكة علمود بتبرعلهم بعلاج
وكف جبار سلم عليهم كلهم شعدكم
هنا حجوله القصة ...
كالهم شكد يكلف علاجكم..
كلوله بوقتها تقريبا
١٥٠ او ٢٠٠ الف دينار
گلهم صدك جذب طلع
المحفظة خله بيها بس الهوية
و الباقي من الراتب وانطاه الهم
كلهم هاكم روحوا اتعالجوا بيهن
كاعدين بهاي الشمس علمود
تفاليس واجه لبيتهم بلايه راتب
ويضحك ومرتاح ..
مرة گلناله شلون هيج تسوي سوالف
انت هاي وغيرها... كال اني اكدر احصل
فلوس بأي لحظة كلها تحبني وكلها
مفضل عليها او اتداين واسددهن
بس هاي الناس ماتكدر تحصل فلوس
الا بماي الوجه واحنا مسؤولين
عنهم شركائنا بالحياة ذوله
ومن صفحة الشاعر محسن الموسوي هناااا
يقول
جبار رشيد الله يرحمه جان يقدم برنامج
اذاعي بشبكة الاعلام العراقي ( برنامج مُتابع وكلش حلو )
وجان مخلي بكل منطقة واحد يرشحلة ضيوف للبرنامج
حتى مايحس روحه ظالم شاعر
اني جنت استحي اخابرة واكلة عندي شاعر اريدك تستضيفة
لان جنت اشوف بعيني شكد يخابرونة من بقية المناطق عدهم ضيوف فجان هو يخابرني كل فترة يكلي دزلي شاعر من الكرخ
طبعا هاي الحالة نادرة بمقدمين البرامج
واذا صارت مسابقة هم يخابرني يكلي يدزلي شعراء
ومن صفحة سيف الحلفي
يقولموقف..ماانساه من مواقف الانسان جبار رشيد
بهاي الصورة..وانه ضحكتة وحرجتة بالشقة
لان احب اشوف ضحكتة..
الموقف
چان ضيف عندي بالبرنامج..
استوديو التصوير ابغداد
ف من كملنا الحلقة طلعت وياه للباب أوصلة
وانطيتة ضرف بي فلوس
(اجور الشاعر اليجي للبرنامج)
شال الضرف وخلاه بجيبي گلي انت خطار على بغداد
واهلك بعيدين عليك بالبصرة..خليهن مصرف يفيدنك،،
ومن صفحة الشاعر رائد الفريجي
موقف من مواقف جبار رشيد
هذا منشوره ايام ازمه كورونا
كالوله رائد ماعنده دعم ويشتغل وحده
نزل المنشور
وبعدها كلف اصدقائه حتى يوفرولي مواد وفلوس
هذا درس اضافي لمنهج الشعراء والنجوم
حب الناس والجهد لخدمتهم 💔
وهذا المنشور من صفحة الراحل جبار رشيد
هناااااا
ومن صفحة الشاعر احمد الكمالي
يقول
موقف من مواقف المرحوم
الطيب جبار رشيد الانسانيه
اني عسكري ادوم في محافضة الانبار
نزلت مجاز قبل العيد بيوم متوجه الئ
اهلي في بابل فالما وصلت بغداد كراج العلاوي
كلت خل اخابر استاذ جبار فاتصلت
كتله استاذ وين انته اني ببغداد
كال اني بالمدينه وجاي لباب الشرجي
انتضر بباب الشرجي فالتقينه سوه فكال
اني منتضر اختي تجيني لهنا وره شويه
اجت مره هلكانه كلش وياها خمس اطفال
حالتهم يرثئ لها فكالي المرحوم انتضرني
هنا عشر دقائق ورجعلك اني شوشت كلت
معقوله هاي الحرمه اخت جبار رشيد مامصدك
رحو كلت خل اشوف وين يروحون شفتهم
دخلو لمحل ملابس بعد فتره قليله طلعو الحرمه
والجهال محملين اخذو ملابسهم وراحو
اني صابني الفضول كتله استاذ شنو ذوله
كال موكتلك اختي وجهالها المهم ضليت
اسال بي واصريت اعرف ماقبل يكول
وره فتره التقيت بي الله يرحمه هم سألته
عنهم فكالي ذوله ايتام وبعد لاتسالني
كم انته عضيم ايها الغيور
قصيدة رثاء هنااااا
ريض يامحنة ناسنه الفقرة وانته ادرة بالمثلك كسرته كسره
عفتهه منگبة الحيطان والصحبان
ووي دمع الزلم ماچدت الغترة
يجبار الهلا والملگة والضحكات
يالمعلمنة ناخذ عالصدگ شمرة
يتارس روحنة بطيبتك رايح وين
عود اانت الحنين وتنكر العشرة
شني نفع الشعر من دون موقف زين
وشيفيد الورد للنايم بگبرة
يقطاع (١١ )واحلام شاعر شاب
يا مطلع شعرنة واول الفكرة
شيرد ايامنه اندبر الكروه بروح
ونجيك امفرفحين انريد بس نقرة
وياما چنه نطوي الدرب نحلم بيك
ونحسد شاعريتك خلگك شكبرة
ويرهبتنة شباب ونلتقي بجبار
ولحد هسه واحدنه اكبالك اشزغرة
اشدولبنه وصرت صاحبنه كون تروح
موتدري الصديق ايهد جبل هجرة
اقصة مدينتنه الهدمهه العوز
يگاطع جيلك النهواك عالفطرة
اهواي الناس بس مثلك نجيب امنين
محتاجين مثل ارسومك السمرة
اخر قصيدة للراحل جبار رشيد
تعال اشاوريت الماي
و خذت من روعته ورسمه
اشطاح امن السمه شلته
وعينك فاضت ابسمه
شماخذ من حجي النهران
وتروينا شعر من تنطق بكلمة
شحطت بيك (العمارة)
وطلعت ضحكتك نغمة
حجالي الشايف الفردوس
كال الحور مو احلا حسب علمه
سألني الليل ذول منين
الضوه اليم بابهم شسمه
الهوى اليم بيتهم شسمه
الهوى اليتداور يغني
ونسمة نصفك لنسمة
الضحك ما ندري شكلة شلون
وانت بكيفك ترسمه
بالله شسولفت للغيم
وخليته يحط وبجفك تلزمه
هلك يدرون من بيدك طرف روحي صبح وشمة
واخيراً
من صفحة الشاعر سعد الربيعي
وقفه سريعه 24 سؤال هناااااا
1-آخِر مدرس كلية تخرجت منها ؟
التابوت
2-آخِر محطة
بجوار مولاي الأمام علي ابن ابي طالب
مقبرة وادي السلام
3-آخِر قرار اتخذته وندمت عليه ؟
العزوف عن الزواج
4-آخِر ابتسامة ؟
- في المغتسل
5 آخِر دمعة ؟
لفراق أمي وأخوتي واصدقائي
6- آخِر مشوار ؟
في شارع الفلاح أثناء التشييع.
6- آخِر بلد زرته ؟
النجف !
7-آخِر كتاب قرأته ؟
كون تشوف
8- آخِر حب ؟
لأخي الشهيد .
9- آخِر رسالة وصلتك ؟
من "كاظم جوية" لكن جهازي كان مغلقاً
10- آخِر رسالة كتبتها لمن ؟
لأمي وكان نصها "والله اموت عليچ "
11- آخِر اطفالك ؟
لفتاة كانت تصرخ بحرقة أثناء التشييع وتقول راح أبوي جبار !
12- آخِر مسرحية شاهدتها ؟
الحياة.
13 آخِر جائزة حصدتها ؟
محبة الناس الحقيقية.
14 آخر مرة كنت فيها ظالماً ؟
أريد الله يسامحني لان أذيت نفسي هواي
15 آخر مرة كنت مظلوماً ؟
في مستشفى الجملة العصبية .
16- آخِر صورة عالقة في ذهنك ؟
لجموع الغفيرة التي اوصلتني إلى مثواي الأخير
17- آخِر ذكرى عزيزة الى قلبك ؟
اذاعة العراقية .
18- آخِر جرح ؟
لشاعرٍ لم يزرني في حياتي إطلاقاً وكان حاضراً في مماتي يلتقط السيلفي.
19..خِر فرحة ؟
لم تَدُم
20.. آخِر نصيحة تلقيتها ؟
من الشاعر علي سلمان غالي.
21..آخِر عزاء حضرته ؟
لي.
22..آخِر جنازة شيعتها ؟
كذلك.
23..آخِر قصيدة كتبتها ؟
خذني يمك"
24,,آخِر كلمة ماذا تقول ؟
احبكم وعلي .
...............
مهرجان خذني يمك على مسرح الوطني
هنااا