كاظم اسماعيل گاطع قصيدة باب الدفو المسدود
| كاظم اسماعيل گاطع قصيدة باب الدفو المسدود |
كاظم اسماعيل گاطع باب الدفو السدود
باب الدفو المسدود,
هيه لا تقل شإنن عن
ما مرتاح,
او
وهيه جسدت معانات زوجة المفقود وهيه تخاطب زوجها وتشرح ما وجهت من معانات وحرمان
القصيدة
اشكَد اعياد بغبار الحنين محزمة ونوكَ الحنين تنود,مدري شجم شمس بالوجنة لفها الليل مدري شكد فرح جوه لهدوم النود,
يلتف الشته وياها وتصيح اشاه ياباب الدفو المسدود,
ياما بكل صبح ثلج الملامة يطيح,
ياما باليل شيت ونطفت نيران ولوجه الصبح نلكَة الرماد نهود,
لن غيم الحلم يسكَي العطش بالليل ومن تفز يرد غيم العطش يكَطع الماي ردود ,
وشكَد سمعت حجايات من الناس ,
شاعر كَال ,
عونه الحاش رمانك يصدر الريم ,
شامت كَال ,
جم موسم حزن وانت برجه الحاصود ,
صبي غنة ,
الحلو لو مات جسمة يضل نصيب الدود ,
لا وحياة عشريني والله وداعت المعبود ,
اتمنى الجهامة الطيف وتمنة حدر ياراس تمتد تنعصر لزنود ,
اتمنى ولو سطرة زعل بس كون جف رجال تشتم ريحتة لخدود ,
بسك ياعذاب الليل كل جرح اورا تسكين جرحي بياوسيلة يهود ,
ومعاتت انه ويه الروح
اطاوعها , تذب جدامي فوكَ النار
اعاندها ,
تموت امن العطش لورود ,
اتمشة بغرفتي بخطوت الجناز ,
وفتح طلكَة الشباج المزنجر المن سنين ضل مسدود ,
وحسد جارتي الحلت كَصيبتها اعله متن الليل ,
وزعل عالتبخر غرفة العريس من يعود ,
انه الجانوا يحسدوني شباب وكيف ,
صرت احسد عجوز البيت جي شايبها يمها مدثر وممدود ,
اتمنه بكثر ناس التمنوني اتمنه اصير بحاله ام جلود ,
منهو الكال هي مسودنه ام جلود ,
مو غيره ولا حالة كره للناس لا حاسد ولا محسود ,
خفكة روح بت عشرين مثل عناد جاهل من تنهره يزود ,
وصدك لاتصدك صدك اشما كول ,
انه البيه الثمر حايل ابدن ما جناه جناي ,
يبقه مدندل العنكود ,
اعاين للنخل وصفن
وكولن عنده موسم يرتجي الصاعود ,
اكول النخله عدها احساس تفرح لليمد ايده لعثكهه تذوب اضن تحس عثكهه نهود ,
خفكة روح بت عشرين طير مخيط بجنحين لو فك الخياط يشيه ما يرجع لسجنه ردود ,
واشكد انتظر هو العمر مثل الخرز معدود ,
جا ميت وكول ارثيه ,
جا غايب وكول يعود ,
كل جرح اوراه تسكين جرحي بيا وسيله يهود
الكبير كاظم الگاطع ,
الشاعر الكبير كاظم اسماعيل بده العام الدراسي
بده العام الدراسي وبدت الهموم
وبيتي عالمدارس بابه صاير
نسيت وداعتك جيت اشتري هدوم
الك ومحضر اقلام ودفاتر
مو تسمع قيام وليش ماتكوم
ومر اسمك ولا من كال حاضر
الشمس طلعت علينا ومو وكت نوم
وهم عدكم صبح يا اهل المكابر
وهم عدكم ضوه وشباچ ونجوم
وهم ينطونكم واجب لباچر
الوالد بالوداع يصير مهموم
وانا اثنينهن والد وشاعر
خيلك طشرتني وچنت ملموم
وصارت طيحتي بين الحوافر
اذا عشرين يوم وما شفت نوم
شيظل بالحيل بالعشره الاواخر
فراش الفاتحه لو شفته ملموم
بنص كلوبنا تلكى الچوادر
يمنه المصبغه ودينه لهدوم
الحزنك مشترينه قماش حاضر
تمنيتك جرح كل ساع ملچوم
وتبات الليل بشفاف الخناجر
انا يا بوي من ونيت مالوم
نزل مني دمع يعمي النواظر
خدودي تعودت تتندى كل يوم
وتحب الماي خشبات الكناطر
لمت الروح بس شفادني اللوم
شلحك ! وبسفينة الموت عابر
المنايا عالسطح وعيونها تحوم
عليك ونزلتلك نسر كاسر
ستر الله نغگ بديارنا البوم
اخذ عين الكلاده وراح طاير
ديني حلاتك حلو الرسوم
بلكي انعشگ دنيانا مظاهر
اظل كاظم وصبري وياي مكظوم
لو ما هالخشب جوه الاظافر
اهن كاسين بيهن كاس مسموم
خاف اغلط وبالمسموم اكاسر
بعنه البيت ، ريت البيت مهجوم
وريت اكثر بعد من هل الخساير
تحب انت اللعب والگبر ملموم
شلون تحملت وشلون صابر
وليش من الهوى يابوي محروم
ونسمات الهوى تطيب الخاطر
منهو ؟ الشوفك صورة المعدوم
وليش تعلكت ياشاب يا قاصر
ما ظنيت زرعي يروح فد يوم
وعصافير الحزن تگضي البيادر
من اكتب قصيده تزيد الغيوم
ومن عيني الدمع يملي الدفاتر
يبقى بهل مطر ياشعر منظوم
نصاري الحسين وبحر وافر