 |
| عصام كريم لا تسالني شبيها عيونك |
عصام كريم لا تسالني شبيها عيونك
لا تسالني شبيها عيونك
يوتيوب :- هنااااااا
لا تسالني شبيها عيونك تعبانه ومتغير لونك
حقك مستغرب ماتدري شلون اليل يمر بدونك
جرب مره وعيش الوحدك مثلي وكل العالم ضدك
حته دموعك لمن تنزل مالك واهس تمسح خدك
تسكت وانت تشوف بعينك تعبك يتفرهد من عندك
ماجاي اشكي واكسر كلبك بس كل هذا الصار بذنبك
اني الخليتك بعيوني روح مخليك اناىت وربك
وكل عمرك متحس بهمي اله تحبني بكد ما حبك
من تسهر ويختكك ليلك وكل ذكره تمر اتهد حيلك
من تضحك ويفضحك دمعك من تبجي بكد ما باجيلك
من دكتورك يعرفك علتك بس ما يعرف شيسويلك
من اتحس روحك مو ملكك واحد مثل الدميه يحركك
كلشي بكيفكه تنام وتسهر وبكيفه يغثك ويضحكك
وبيده يصعدك لاخر نجمه يخليك اتامن ويتركك
اتمنه اتعيش الي عشته وتفهم كل هذا السولفته
من تجرحني ... من اسهلك من ابجيبك ..تتاذه انته
من اتموت روحك بيدك وتحاسب روحك هم انت
تخيل عزرائل اتحبه وياخذ روحك كل ما شفته
التفاصيل
القصيدة من وزن العكيلي مفتوح
تاريخ الكتابه :- 9/1/2017
القصيدة خرج من موضوعها اكثر من نص غنائي
منها -تعرف يمته تحس ابذنبك :-
ومنها --جرب مره وعيش الوحدك:-
تم تسجيل القصيدة :- في استودوهات الحنين
التوزيع :- حذيفه الفارس
الهندسه الصوتيه :- سامر سالم
المنتاج ؛- حيدر عصام كريم
شكر خاص
الى الشعراء الذي اشادُ بلقصيدة
رائد ابو فتيان قصي عيسى علي المنصوري مهند العزاوي
رفعت الصافي نوفل الصافي جواد الحمراني احمد عاشور
وشكر خاص للملحن علي صابر
القية
برنامج فضفضة ؛- تقديم الشاعر زهراء عباس
برنامج :- شهكة عشك تقديم الشاعر مهند العزاويقود تنفذ عمل مشترك مع الشاعر والرادود :- علي الدلفي
لا تكلي شمسوي البعد بيك ..ما راح تفهمني من احاجيك
صير بمكاني وحاول تعيش..انت انتظرني واني ماجيك
تخلصها وحدك وانت موجوع -جنك بشر من شجره مكطوع
ياانته لمن يهجم اليل ..اول ضحية اطيح الدموع
من تنفرد بيك المواعيد ..اطلع بكلبك تجاعيد
توكف صنم ويدفعك الشوك...وتريد بس ماتدري شتريد
بريتك تحس كوة الهوى يفوت ..تضحك جذب وبكلبك تموت
تبين قوي كبال اليلومون...وتحجي وتفضحك نبرت الصوت
كل القصائد عصام كريم الوجدانيه هنااااااا
كل القصائد عصام كريم الحسينيه هنااااااا
كل القصائد عصام كريم الوطنيه هنااااااا
كل قصائد عصام كريم الرثاء هناااااا