 | |
|
عصام كريم 40 قيامة
الشاعر عصام كريم
ياهو الـ بالسمه داعي علينه..وشارت يا نبي بينت بينه ؟
لا زدنه حطب عالنبي ابراهيم ..ولا عيسى ابن مريم صالبينه
ولا صفگنه ضد موسى ويه فرعون..والف فرعون متسلط علينه
فتحنه عيونه ونسدت البوب..بوجهنه وضاگت اول ما وعينه
ثمن سنين خلصن بين مفقود...وبين المنهزم والعادمينه
وبين الراجع من الاسر ويشوف..ابنه الغير واحد ناسبينه
وبين الگال كافي ولازم نعيش ..ولگيناه بعده عايش دافنينه
ثمن سنين خلصن والثمن جان...من دموعنه ودم دافعينه
ثمن سنين خلصن و اجن سنتين...بيهن الله يدري شكد بچينه
خفنه انكول ليش العالم اتموت...وليش الحرب صارت ما درينه
جنه نزغار ونصدگ باليگول ...الحايط عنده اذن كل ما حچينه
بعدنه بالحزن وثيابنه السود ..وبعدنه شما نشم نتخيله بارود
وبعد چم ميت الما حاسبينه .وبعد ما لحگ يسجل التاريخ
الخسائر بلشت بينه الصواريخ..وعرفنه الجاي منهن مشتهينه
يجي يندل الناس اللازم اتموت..يسلم عالقصر يوگع بالبيوت
وعرفنه انميز المنه وعلينه.....ومن يا جار جانو طالقينه
وبحلوگ الدول سوتنه موضوع...وصدر بينه قرار يكول ممنوع
خلص موت القصف ونزف واليوم....بدأ حرب الحصار وطلقة الجوع
وبدت تتقدم وتتطور الناس..وبدينه احنه عكسهم نرجع ارجوع
بقينه 13 عام على هالحال...على چتاف الخبز تابوتنه انشال
نفطنه على الدول ينگل براميل...وبواهس حليب تموت الاطفال
على الله وضوه الشاشه وطب الاعشاب...لحد ما بالهمر سحلو التمثال
وركضنه على المصارف وستحينه.....زحمه بهالعمر ونمد ادينه
ورجعنه اندور المسجون بالگاع....وعلى الحيطان اسامي شگد قرينه
ولگينه الما قبل التراب ينباع...وكال الگاع حره وضمته الكاع
لكيناهه هياكل ذيج الاسباع....ولا بيهن عظم صاحي لگينه
وگلنه تهون ما دام الصنم طاح....تفرج باچر ويتعوض الراح
بسرعه بسرعه مالحگنه نرتاج....وبنفس السنه وليه نولينه
انفجارات وجثث بالرجل تنداس...ومدري منين اجتنه مفخخه الناس
وذبحنه الگبل مسلم حاسبيه ...يجي بحقده علينه محزم حزام
ويفجر روحه بينه بأسم الاسلام....وكفار احنه تاليهه صفينه
وبلش بينه موت الميه ميه.....وحرب التفرقه وموت السويه
بعدها بحيلها ادك الانفجارات....وبلش بينه موت الطائفيه
والاسمه علي لو عمر ممنوع ...يمشي بشارع وشايل هويه
وشفنه القاده وگفوا بالاستعداد...الناس ملثمه وادوا تحيه
وبلا قانون ضلت تايهه الناس...ولاضل احترام المرجعيه
وبين القبل بدل دينه بالكاس...وبين الماقبل مات على دينه
هستوهه هدت ورايات اجت سود...وخبطت ماي دجله ودم الجنود
وشكو موت على بالك صار بينه...وركضنه بلا رواتب خفنه عالدين
تخيلنه محمد منتخينه.....ورجعت گاعنه وفتهمت الناس
وحقنه الراح رجعناه بدينه....ورجعنه للسياسي الملتهي يبوگ
كناله انتهى النوم وصحينه...وبعدنه انسولف وجاوب القناص
وبداها بروسنه استهدف وعينه...ورجعنه الحرب الاولى بنفس السلاح
قبل طاح الابو هسه الابن طاح...وبدت تنزل اعلام وتصعد ارواح
وغصت ساحة التحرير بينه....وعلى الشاشه خبر عاجل قرينه
يكول اتهيئوا الحرب الخفافيش...بدت اخر حرب و احنه انسينه
حرب بيها السلام اقوه من السلاح...حرب خلتنه حته نشك بدينه
واجتنه بجيش طب الكل البيوت....وبعد لا شافنه ولا شايفينه
ما جنه مرض يندل الارواح....ويتخير الزلمه الزين وينه
مرض مو بالجسم بين بالاطباع...وقبل صحتنه اخذ كل شغله زينه
ماشفنه مرض ويخوف اطباء....وما مر بيهم ولا دارسينه
اجه وخله الهلا ثگلت على الناس...معازيب ونفشله اليعتنينه
بعد ما ضل مكان انحط الجروح...جسمنه يفشل الناس التجينه
ابتعدنه من الگبل چانوا قريبين....شفنه الموت يتقرب علينه
گالوا ساري مات وما وصلناه...ولا شير الركض ويسدله عينه
واخيراً ياللهي بكيفك الناس....وانت تشوفنه وتسمع حجينه
انت الماعفتنه بذيج السنين....ويانه وتفتهم نبرة بچينه
وسامحنه يربي احنه الدعيناك...لحد ما صرنا نخجل لو دعينه
القصيدة على اليوتيوب هناااااا
القصيدة على اليوتيوب هناااااا
كل القصائد الوجدانيه للشاعر عصام كريم هنااااااااا
التفاصيل
القصيدة نصاري عمودي صدر وعجز
تاريخ الكتابه
26/8/2020
القصيدة تروي معانات الشباب العراقي في سنين القحط والجوع والقتل والاعدامات والسجون السريه والمقابر الجناعيه ومعانات الامهات وموت الاطافل في ضل السياسات الظالمه وتبدء من حرب العراقيه الايرانيه
في سبتمبر 1980 حتى اخصطس 1988 وحرب الخليج والقصيدة تذكر احداث متنازع عليها مثل ان كان فلان مضلوم وفلان طاغيه وتم استعراظ اهم الاحداث من عام 1980 الى عام 2020 والوباء القاتل
الترجمة
Who is in heaven, God called upon us
O Prophet, punish us for him
We did not throw firewood on the Prophet of God, Ibrahim
And we did not crucify Jesus
We did not clap against Moses with Pharaoh
Why do the pharaohs rule over us?
When we were born, the Iran-Iraq war started
We lived 8 years between a martyr, a missing person, a fugitive from military service, and a non-existent one. A prisoner returns home and finds his son attributed to another father because his wife married his brother and the war ended and we are still wearing black clothes and we imagine every fragrance is the smell of gunpowder. The war was fought
Until that date, he did not take his opportunity to write the losses for two years, and we contemplate the missing and the captive being returned, and on a dark day the missiles and planes that launched from our neighbor and the group of countries invaded us, and they issued a decision saying: Stop the death of bleeding and blood, and the role of the death of hunger and the advancement of countries came and as we retreated, we returned to the lantern and herbal medicine. The children and youth died. From its concern, I attached the statue and it became looting and insecurity. We went to the banks and promised us that we were ashamed of age and gray. We went to secret prisons and found the names of opponents on the prison walls and their corpses in mass graves.
And we are still contemplating the important good that the statue fell, for it is better tomorrow and the same year the car bombs invaded us and they said about us are infidels and we were slaughtered by Muslims ... death is daily and hundreds exceeded and the explosions are still strong and helped them against us, sectarianism and death over identity, and the human name has become a source of danger and ranks are afraid of the masked people. Disgrace became, and ISIS exploited the situation, entered and killed what was killed, and the types of torture before death and after death, and the poor people revolted, and young men volunteered without pay, no food or transportation wages, and the jealousy and the chivalrous died until Mosul returned and the people turned to the corrupt politics and the poor revolted in Tahrir Square
And we went back to the first war and the same weapon that the father fell with in 1983, the son fell in 2020, and a sniper was striving to consciousness and pointing the head until the last war broke out, the war of bats, a war in which peace is stronger than weapons, and jealousy died, generosity and communication were lost, and we prayed in all events until we became ashamed of God