 |
| الشاعر علي مهدي قصيدة ثالث عيوني + رد الظرف |
الشاعر علي مهدي قصيدة ثالث عيوني + رد الظرف
شاعر شاب راهن عليه اكثر الشعراء ولقبو بخليفت الكاطع وهذي بعض من قصائده البارزه
الشاعر علي مهدي قصيدة ثالث عيوني
شو خنت وانتة ذاك التعصر ايدي عصرة التطلگ چنت
شو خنت من تجي وكلياع بگلادة خفت
انةجنت مراية ايد وموش كل وجهك شفت
تعوفني وتكدر بدوني ليش يا ثالث عيوني
كون جف فزاعة بلاية اصابع تكودني معول عليك
جرس ثاري و وية ما باب انفتحلك شلت اديك
لا تخليني احسب رموشي واغيبك وانة كلب امك عليك
والله اطيح وياك اذا ماابية اطيبك جدامي مثل الكذلة ثكلها المطر
الدنيا تمطر و اشتهي ترد المحنة البالرسايل والصور
غابت شموسك والفياي انهب
واني وصيت وكلت ذب الكلايد لا يجيس اثار بوساتي الذهب
ومن درت وجهك و امانك شح علية
خوفة الكاتل خفت حتة من ادية
وما تفض اغنية تدفعني واجي لبابك ركض
و انزويت و اذب يم العتبة حسرة
اخ يا تجايتي شسواك كسرة لا حرام الله رضاهة ولا حلالة
احبيبك محد بقالة والسوالف تنتهي بعوفوا بحاله
و عافو بحاله
قصيدة رد الظرف
رد الظرف مابي حمرة فوك اسمي
علت عن الهوا يا غيم
شيرد اول العنگود البراسي
الشجر بالضيم
شيردني اعله گعدتهة
وميلة راسها لو بست رگبتهة
چنت مااشبع من عیونها الحلوات
کلساع اعله وحدة تطيح گذلتهة
عرفت تغيرت بس عن دليل احچي
ما راضي عليهة وهية ما تبچي
من كوني عزيز اگضي الليالي وحيد
انه الردوا سلامي ولهفتي بشتريد
هية حچايه بس كلفت موت الطيف
الهوا الفوگ الگراب اول ضحایا السیف
انه الرجعني موقف غيرتي توضحه
لان طحتي اعله جدمي توسل تناسيت
گلبي ، وكسرته وجرحه
گلت غمّة التدگ تابوته بته ، وگلبه مایصحه
انه ارحميني بحلم ما بي اثر روحه
واعميني حلاة الدنية من مااشوف
ما ابوسچ چنت وعیوني مفتوحة !
وابعد ضلع عن گلبي اعله گلبي يصل
هذا البالشبگ ماکو اصبع محصل
شال ايدة الوطن من جوة راسي بليل
خلاني اكعد مغرب
اشوف عيوني واتذكر
عليچ عیون فلتةّ رب !
مو سهران بس والله
من امد جفي اعله رمشي يرجع مترب
وماخذ شمرتي معلعل
اذا مرتاح انتم فراشي يتگلب
وحتلو ما تنصفيني من اجي ببالچ
الناس تشوف
سبة موتة محد بيهة يرضالج
وازمخ بالمراية بلا وجه رديت
عرفت النار شتسوي
وغير عيوني ما مديت .