 |
| عصام كريم قصيدة جناز |
عصام كريم قصيدة جناز
جناز
جناز فد مره رحت . وسجلت كل اليجره
الميت اني اتخيلت . واتقبلتها الفكره
ورديت من طيش الزغر لأخر نفس
چم ليل مرني چم شمس
چم فاتحه بروحي وعرس
بسبابة ايدي من الندم نابت ضرس
كف البچي وسالفه صارت صدك بس انه أحس
واخر ذنب بالمگبره
سويته باخر نظره
عاينت بگبور البشر گبرين واحد منهدم
والثاني مرمر گبره
وبلا نفس وبلا هوى من صدري طلعت حسره
ياربي حتى المگبره بيها اغنياء وفقره
وبسرعه حسيت بذنب شفت الچفن نفس الجفن
والحفره نفس الحفره
ثاريها چانت عبره بس هيه شتفيد العبر
لليدري خلص عمره
واتقربت عالحفره
ولن صوت اجاني ويالهوى
اخلع شكو بعمرك ذنب وانزل الى وادي طوى
وأتقربت
وأتشاهدت
وودعت الوجه الاحبنها وگلت
مادام وگفت ريتي نزلوني ماريد الهوى
ومادام عيني ممغمضه الظلمه اولها الضوه
وأتمددت بالحفره
خلصت مراسيم الدفن
عن حالي مشغوله البشر
محتاره كلمن بمره
واحد يسولف عالگبر عن ارتفاعه وسعره
الدفان شاكل ذمتي خاطر يزيد اجره
اواكف حرامي المكبره وقرأن گاعد يقره
وحتى الگبل دگ صدره
والكال ما عوفك ابد راح وشفت بس ضهره
عافوني كلها وصيحت
يعزاز ما بيكم وفي توگف بعينه العشره
وشگد مواقف شاهدتوتحملت
بحجايه وحده استهضمت
من گال اعز واحد الي
ودعو ولحد يلتفت
وستاحشت
لا ميت يسير علي
ولعمر ياااا بويه العمر
صار بدقايق ذكره
اسمع بجي فوك الكبر
وعرفها هاي النبره
المن عفتهي اليا وجه
كتلها شو متاخره
ساعتها احس اتحرك
حاولت اوصلها ردت
واحضنها اخر مره
گمت احجي ويروحي وكلت
اشبيك يمها استسلمت
ميت وروحك خضره
وتبسمت وتشكرت من الشعر
جانت عضيمه السفره
التفاصيل
القصيدة بحر الرجز تفعيلة المجرشه المفتوح
تاريخ الكتابه:-2015/4/2
قصة القصيده
انتقل الى رحمة الله
والد صديقي الي هوه
موزع في قناة ميوزك الحنين
:- وملحن :- لؤي عامر
ورافقنا للدفن وهنا طلب المغسل
واحد من ابنائه يبقه يمه حته
يساعد المغسل وسالني قال انت
ابنه جاوبته نعم واولده
انشغلو بلمان القبر والامر
البقيه المغسل طلع يسال
عن الاجور وما شاكل ذالك
وبقيت اني والمتوفي داخل
المغيسل وداهمني الفضول
مذا يدور في تفكير المتوفي وما
ردت فعله والجميع مشغولين
ومنها انطلقت القصيده
القصيده القية
في برنامج فضفضه مع الشاعره زهراء عباس
وبرنامج :- ما مطروق مع الشاعر علي المنصوري
وتم التسجيل في ميوزك الحنين
القصيده على اليوت يوب هنا
جنازه, وليسة قصيدة تذكرنا
جنازه تغريد علاء,
جنازة احمد راضي,
جنازة صباح الهلالي,
جنازه, وليسة قصيدة تذكرنا
جنازه تغريد علاء,
جنازة احمد راضي,
جنازة صباح الهلالي,
جنازة الشاعر جبار رشيد
جنازة ناظم شاكر
جنازة خضير هادي,
وقصيده
ياجناز خضير هادي,