قصيدة السيده زينب (ع)
كالو محرم وجت زينب علبال
وبراسي مشهد ولسوالف تصعب
تضوي السمه وتتباها لو هل هلال
بس بمحرم شفت الهلال احدب
.
تحجي المنابروروايات اشكال
شي كالو حجابج وكع شي تنسب
حته ابجي كالو بل ضرب جتفج مال
لاكن قستها بعقلي شفت انت اهيب
جا بلسمه بضهر الشمس شفنه خيال
كون الحجاب الفوك وجهج ينذب
متنج حمل لتعذرت منه جبال
ياهو لكال بسوط متنج يُضرب
مو سوط يمج عين فنها التنشال
حيدر علي وياج ياهو ليكرب
دنكت كلها وروس اخوتج ليفوك
يم هيبتج تتواضع قصور وتوج
وبداخلج نار الخيام التلهب
بينج وبين اهل الكساء يشتبهون
وبلزعل جن عباس يوم اليغضب
يخضر زرع بلصبخه لمن تمشين
الكال بخرابه تبات زينب جَذب
لو ما تطب رجلج على تراب اشام
جا جوله ضلت شامهم ما تنطب
شافنج الهزل ورد بيهن حيل
يدرن بزينب عل هِزل ما تركب
ويه العطاشه سوالفج تنكط ماي
لاكن على العاداج نار وتنصب
كل كلمه منج جانت تخرج جيل
تحجين جنتي وبيج يتباهه الرب
نهر الفرات الخاذلج رد فشلان
من شاف كطرت كصتج اطهر واعذب
بلطف زرعتي العفه ولحد اليوم
تموت وتردمن ماي كصتج تشرب
من الف وربع ميت عام وللان
يخافون من كبرج يخضر زينب
التفاصيل
القصيدة وزن الميمر العمودي
تاريخ الكتابه 3/9/2011
القيت
برنامج صدى الموصل مع الشاعر سيف الحلفي هنا