 |
| عصام كريم لطمية راية جدك |
عصام كريم لطمية راية جدك
عصام كريم راية جدك
المذهب
يحسين اني اختك وخيالك .
نجاي امشي بجال الله وجالك
واني اخت العباس.
بس الكاسر ضهري اطفالك .
من سألو عنك كتالك
دلاهم عالراس
خويه وعنك من سالوني.
اسكت بس شيسكت اعيونيظ
.......
النص الاول
خويه اتعذر ...راح احجيلك واقبل عذري
بكد الخيل الداست صدرك حسره بصدري
صح عباس .. الكاسر ضهرك يل ماتدري
جم واحد . بالطف من عدكم كاسر ضهري
رافگني الهم امن صباي وأني بزغري
بس ما مرت مثل العاشر صدمه بعمري
يوم اسود من كل ايامي
كل اهلي انذبحو كدامي
ومسبيه الناس يسموني
اسكت بس شيسكت اعيون
...........
النص الثاني
خويه امشي وراسك كدامي .. ايهون حزني
كل ساعه اتخيل يندار ..... ويتفگدني
اني اختك مادنگ وانته..المعلمني
اصبر مثلك حد ما اذله ..لراد يذلني
تبدي القصه من العباس .. امنتكفلني
وتخلص خويه باخر سوط..ليضرب متني
من شفتك شايل عبد الله
قربان اتقدم الوجه الله
مذبوح وجنهم ذبحوني
اسكت بس شيسكت اعيوني
................................
النص الثالث
شحجيلك عن يوم العاشر.. خويه وهمه
من شفتك محتار اباول.. غالي تقدمه
دك صدره الاكبر من كتله ..اتحضر عمه
اول واحد شرف كاع .. الطف ابدمه
وبعد القاسم حنه جفوفه .. من دموع امه
عريس ومهره منل روس .. الطاحت يمه
للشام ابزفته امودينه
مذبوح وكامل نص دينه
ومسبيه ابعرسه يمشوني
واسكت بس شيسكت اعيوني
,,,,,,,........
النص الرابع
خويه امشي واعثر معذوره.. ودمعي يسيل
طيحت عباس الما خلت .. بختك حيل
تمنيته وياي منل سوط .. ابمتني يعيل
ذاك الخله العاشر يشبه .... بيوم الفيل
هز جذع الطف بيده ومطرت.. من سجيل
ركضت كلها وضلت خيل ..ادوس ابخيل
ذب جفوفه وجوده ومايه
بس ضلت مرفوعه الرايه
ولهسه اباسمه يسموني
واسكت بس شيسكت عيوني
.........
النص الخامس
اصعب واخر مشهد بطف.. شفتك وحدك
تتلفت ودور ماضل .. ناصر عندك
الله واكبر اسمعها .. انكالت ضدك
وبسم الدين بوجهك رفعو،، رايت جدك
ونفس الكتبو اقبل همه ..الذبحو ولدك
وما ريد احجيلك علصار ..بزينب بعدك
يرجع مشهد حزت نحرك
من ابجي وكتالك يضحك
وشكد من بعدك بجوني
اسكت بس شيسكت اعيوني
...........
تفاصيل
االقصيده من وزن العكيلي
تالريخ الكتابه
1/5/2020
القصيده حصرية للمدونه
القصيده على اليوتيوب هنااااا
كل القصائد عصام كريم الوجدانيه هنااااااا
كل القصائد عصام كريم الحسينيه هنااااااا
كل القصائد عصام كريم الوطنيه هنااااااا
كل قصائد عصام كريم الرثاء هناااااا